ZIMANÊ KURDÎ

Canê keçeke ciwan e. Ew yazdeh salî ye. Keçeke xweşik û jîr e. Ew diçe dibistanê. Birayekî wê û xuşkeke wê li malê hene. Dayika wê, jinemalek e. Bavê wê cotkar e. Sê werdekên Canê hene. Ew hez ji siwarbûna Bozo dike.

Gundê Canê di quntara çiyê de ye. Ew gundekî xweş e. Gelek dar û şînatî li gund hene. Canê hez ji gundê xwe dike.

Ev birayê Canê ye. Navê birayê wê, Dilo ye. Dilo diwazdeh salî ye. Ew salekê ji Canê mezintir e. Canê hez ji birayê xwe dike. Dilo hez ji xuşka xwe dike. Dilo jî diçe dibistanê. Ew hez ji xwendinê dike. Ew jî dixwaze li Bozo siwar bibe. Dilo bi gogê dileyize. Hevalên Dilo yên leyistika gogê hene.

Canê û Dilo zarokên tenê yên li malê ne. Birayê wan ji malê veqetiyaye.

Bejna Dilo û ya Canê kêm zêde qasî hev in. Dayika wan û bavê wan hîn sax in. Ew hez ji dayik û bavê xwe dikin. Ew hez ji birayê xwe jî dikin.